伍文生坦承王祖蓝亲自邀约回巢：当年已经识佢，大家有好好嘅连系

伍文生于2008年离巢无线，13年后回巢再次担任儿童节目主持，今日他主持的全新儿童节目《Hands Up》进行录影，问到他息影多年可会习惯重投演艺圈的工作，他说：“我喺过往嘅时间都有做线上嘅工作，有拍片拍嘢开live咁。当然今次返嚟无论系个环境，定其他好多嘢都唔同晒，但系我觉得唔难pick up嘅。”

提到他的餐厅生意，由他主理的两间餐厅因租约期满已结业，现在仍有两间特许经营的，所以并不需要他去管理，另外的餐厅顾问工作是by project形式，不会影响他做主持的工作。

对于有指他今次重返儿童组是由王祖蓝一手促成，对此他坦承：“我同佢本身有好好嘅连系，佢有好多搞作，咁我做开儿童组，大家倾偈时就觉得可以开个节目畀3-6岁嘅小朋友。”

谈到两人如何认识，伍文生说：“我哋当年喺儿童节目组𠮶时识嘅，祖蓝以前都系儿童组主持，佢喺pay台。我哋咁多年嚟一直有keep contact，又有返团契，我移民澳大利亚后，佢都有嚟访问过我。（有人话你系佢心腹，系咪呀？）系咩？咁开心呀？咁大家都有小朋友，有做父母经验，会有共同话题，都会明白小朋友嘅需要，可以放喺节目度。（系咪祖蓝亲自揾你返嚟？）可以咁讲，我系直接联络佢嘅。”他又透露目前没有其他幕后工作要负责，主要是做儿童节目，至于这个节目可会参与策划？他说：“大家都会一齐开会倾。”

点击下图睇更多：