陈百祥霸气回应九龙塘住宅僭建问题：唔关你哋事！

陈百祥（阿叻）今日（20/7）现身佐敦出席新店开张仪式。提到其九龙塘单位被指涉及多项僭建，自08年起屋宇署已向他发出多个清拆令，惟多年来未见拆除。阿叻就此接受《香港01》访问时表示：“我自己内部装修使乜同人交代。不过今日见到你咪同你讲，我而家进行紧内部装修，多谢佢哋再一次畀我可以整到靓一靓。其实我啲内部装修系唔会影响普通人嘅，可能啲人就叫我选特首，咁我见到选特首啲人都有潜建，咁我咪同佢哋一样啰。”

被问到会清拆玻璃屋？阿叻续说：“𠮶啲唔系玻璃屋，大家要知道个样嘢系乜，而家我唔同大家讨论法律问题。其实𠮶啲嘢就好似窗帘咁嘅样啫，随时拆得落嚟。（咁即系话𠮶啲唔属于僭建部分？）咁又唔好咁讲，我唔系话僭建同唔系僭建，而系好灰色地带，即系你喺屋企摆咩家私都系由你决定，但总有啲人就觉得你嘅家私好碍眼。（08年起屋宇署已出信通知你要清拆僭建物！）咁我咪由08年起不停咁装修啰。只系唔同时段有唔同嘅装修，屋宇署系跟到足㗎。咁就唔关你哋事啦，而系关我同屋宇处嘅事啦，间屋只系我住，我唔需要同人交代。”