嫌疑事件簿｜张建声赞制作接轨韩综《RM》　谈善言：班底够大胆！

ViuTV全新LARP（Live Action Role Playing）节目《嫌疑事件簿》将于下周一（14日）首播，周二（8日）迎来记者会，张建声与谈善言的本业均是演员，较少接触综艺，阿谈坦言在接拍时也有过担心：“我冇拍过综艺，所以成日都好难拿捏要玩到几尽，我都睇到ViuTV嘅真人骚全部都去到好尽、自己都比较放心，加上幕前本身都识就可以玩得好开！”张建声指大家之间的化学作用可谓火花四溅：“非常之好玩！游戏之余亦都系实时冇得Cut，我哋揾到证据要冲，连带摄影师都一齐冲，幕后剪完都话系开心好睇、想追落去我哋已经好心满意足。”

谈起《嫌疑事件簿》的节目型式与韩国的《犯罪现场》（Crime Scene）类近，张建声就指：“呢种游戏好似80年代已经有，我唔太清楚韩国𠮶套，但如果喺香港系第一次，所以玩第一集嘅时候我哋都摸索紧要好戏剧定综艺，之后已经放低。”他又大赞节目组对故事铺排的仔细：“每个本都要按角色重新写一次，呢样系好花心力！”阿谈续言：“A同B睇同一件角度都可以好唔一样，最劲系创作人员喺现场Mon住我哋点样玩，按住我哋嘅结局走势即时写结局，大家都估唔到个走向系点发展。”

张建声早前接受访问时曾指节目中每人一部机跟拍，与《Running Man》的拍法相似，“《Running Man》我由细睇到大，所以成日都谂如果有个PD跟拍会点，今次实现咗好开心，但过程好好笑，我而家又肥、摄影师都颇肥，跑条楼梯两个都互相气喘，都同个‘Shadow’建立咗感情！”问起会否觉得近年电视节目制作水平渐跟世界接轨，阿谈认同道：“大家开始有唔同谂法，ViuTV接受程度好高，令创作班底可以谂到啲好创新、大胆、刺激到观众嘅节目，有新嘅内容拉返大家去睇电视系好好。”张建声续指：“我哋作为艺人本身都想件事好玩、投入感够，出到嚟先会到效果，我Respect今次嘅创作！”