声梦传奇︱冼靖峰冇信心坦言靠好彩入十强：过得一轮得一轮
撰文： 陈芷颖
出版：更新：
无线（TVB）音乐真人骚《声梦传奇》进入白热化阶段，最后十强正式诞生。今日（29/5），一众学员齐集商场出席宣传活动并即席献唱，吸引过百名粉丝现身撑场。大热炎明熹（Gigi）被十强学员即场投选为夺冠大热，相反冼靖峰（Archie）则被选为“最需要激发潜能之学员”。Archie接受《香港01》访问时笑言参赛者想激发他的跳舞潜能：“平时佢哋成日叫我跳多啲舞，可能系佢哋嘅策略，想我跳多啲舞样衰啲，我跳舞真系好渣，佢哋想我练好再跳出嚟畀大家睇。”
被选为“最需要激发潜能之学员”，Archie坦言有担心其他参赛者觉得自己能力未够：“但其他参赛者同我讲，佢哋真系纯粹想我跳舞所以先投我。我觉得系好事，起码佢哋谂起某方面时会谂起我，喺佢哋心目中有一定地位。”
被问到成为十强的感受，Archie觉得是好彩亦对自己缺乏信心：“我觉得系好彩，由第一Round已经好惊，觉得会俾人Foul。直到而家都系抱住过得一Round得一Round嘅心态，但又想做多啲突破畀观众，每一Round做差唔多嘅表演好似冇咩意思。（对自己冇咩信心？）系，信心一开始好少，但慢慢开始有Fans、参赛者话畀我知‘我系得嘅’，导师又同我讲‘Archie你呢方面OK’，令我清晰啲自己系咩类型嘅歌手。”
声梦传奇︱14岁姚焯菲豪宅曝光 唔怕私事被公开讨论：冇嘢要隐瞒
+4
同场加映
+13