声梦传奇︱炎明熹人气最高被视为夺冠大热︰冇信心不如唔好上台
撰文： 陈芷颖
出版：更新：
无线（TVB）音乐真人骚《声梦传奇》进入白热化阶段，最后十强正式诞生。今日（29/5），一众学员齐集商场出席宣传活动并即席献唱，吸引过百名粉丝现身撑场。大热炎明熹（Gigi）一出场即赢得全场欢呼声，她接受《香港01》访问时表示粉丝的支持令她变得安心：“一开头幻想系有压力，但现场听到咁多欢呼系令个心定落嚟，同埋想表现得好啲。”
Gigi被十强学员即场投选为夺冠大热，她坦言有压力不过亦绝不让步：“会有压力，但系希望自己做得好啲，唔好让步畀佢哋。佢哋见我唔让步应该会觉得开心，即系唔会令佢哋觉得‘好似睇少我哋咁’。（对自己好有信心？）系，而家呢个阶段冇信心不如唔好上台。”不少网民大赞Gigi有“巨肺”G.E.M.的影子，她说非常荣幸全因G.E.M.一直是她的榜样：“阿G.E.M.前辈系我想学习的对象，比赛都会选择佢嘅歌。佢好犀利，唱高音、低音，好巨肺所以我想学习佢。大家觉得我系下一个阿G.E.M.，我觉得好荣幸。”
“校长”谭咏麟日前公开力赞Gigi有压台感，她直言有留意而家人对此亦表示非常开心：“我屋企人太钟意谭咏麟先生，所以佢有咩动态就即刻Send畀我，佢哋（家人）见到呢个讯息都好开心。我唔知自己有压台感，屋企人Send谭咏麟先生段说话畀我睇，我先知原来我有咁嘅能力，所以要继续加油。”
不过谭校长亦有“乐坛明灯”之称，Gigi直言没有担心亦不相信有这回事：“我唔相信呢件事，都有听朋友讲过，但我觉得俾一个前辈赞系好开心。而家件事都未发生，同埋我都唔相信，所以系会冇事。”
点撃睇更多活动照片：
+13