940920︱取消台湾取景剧本要大执 导演Steve：咁我哋就拍好香港
由罗嘉骏（Steve）监制兼导演，黄智扬（Yellow）编审，刘俊谦、吴海昕主演的ViuTV纯爱穿越剧《二月廿九》在拍摄上像日本电影般唯美，令本地观众耳目一新，剧集更于新加坡Asian Academy Creative Awards勇夺香港区最佳剧集，观众回响不俗令剧集一早敲定会开拍续集《940920》，并于明年2月28日播出。《940920》原定到台湾取景，由于当地疫情严峻，起行日子一改再改，周六（29日）Steve就贴上一张维基“不可抗力”定义的照片，忍痛宣布取消出埠拍摄的计划。
点击图辑睇《二月廿九》精美剧照：
【二月廿九．剧评】力证刀仔可以锯大树 TVB再故步自封就系咁先
Steve无奈改变原定出埠拍摄的计划：“发明呢个字（不可抗力）嘅人，应该觉得人生有好多嘢都系不可抵抗。命运有时就系整定咗，系无得拣，无得反抗。我哋拍《二月廿九》嘅时候好幸运，12月中拍完北海道，1月全球疫情蔓延，如果我哋迟一个月都分分钟拍唔成。当时我仲好天真咁觉得，SARS（沙士）咁大件事一年半载都完啦，今次都应该好快完嘅。OK，《940920》继续出埠，今次拍台湾！半年过去，疫情无受控，我哋决定推迟拍摄期。再过半年，台湾开始每日几百宗确诊，全面暂停工作签证。我哋遇上咗不可抗力，可能系天灾又可能系人祸，总之结论系我哋出唔到埠，无得反抗，no bargain。”
点击图辑睇《940920》预告：
Steve选择以乐观的心态面对：“既然个天想我留系香港，咁我哋就拍好香港，做好本土电视剧。个剧本要大改，但我哋唔会再延期，照旧9月尾开拍，2月28号播映。我好相信上天帮我嘅选择，每次我眼见唔好嘅事，到最后都会证明佢系拣得啱嘅，我谂今次都系。或者喺另一个平行时空无肺炎疫情；《940920》可以喺台湾取景；香港人仍然系香港人……但都系个句，唔到你拣，煮到埋嚟就谂下点食啦。”忠实观众亦为剧组打气：“辛苦晒世界第一嘅创作团队”、“唔去台湾，留喺香港拍更有亲切感！”