吴业坤与ERROR跨台友谊唔转“地下情” 自认想亲试“死亡行星”
撰文： 叶诗
出版：更新：
吴业坤（坤哥）周六（22日）义气出席好友谷娅溦新碟《哭墙》见面会，在日本回归后首度出席公开活动，坤哥直指感觉久违。提起坤哥早前与ERROR成员193（郭嘉骏）合照，兼交换两个电视台的吉祥物Sound Bear及TVBuddy，及后就传出新剧被飞起，对于有没有被高层召见或被雪藏，坤哥回应指：“其实真心冇嘅，都知道大家系朋友，只系音乐上嘅合作，咁啱剧同奥运工作撞咗，嚟紧有机会去拍摄好多奥运Item，所以先迫不得已二拣一，然后就引致大家猜测。我系冇事㗎，仲未有事。我觉得冇事嘅，但将来嘅嘢讲唔埋。”
至于会否因今次事件而减少或低调跟ViuTV的朋友见面，坤哥就指不会：“除咗193，其实都识咗保锜好耐，其实做音乐呢个圈子好细，唔会话分唔分电视台或者公司去选择朋友。”谈起近来《ERROR自肥企画》人气高企，坤哥亦直认有留意：“有睇Facebook啲短片都会知节目做咗咩，基本上有啲洗版都一定睇到。（最喜欢的部份？）死亡行星，都想试下弹人嘅感觉。”
+12
早前“连登讨论区”出现一则帖文指希望部份TVB艺人过档ViuTV，并点名郑裕玲（Do姐）、农夫、森美、李佳芯等，坤哥亦有被点名，他笑指：“我觉得唔好话过唔过去，大家有合作，第时可以派歌上去，对乐坛嚟讲都系一件好事，（想上《Chill Club》？）如果音乐节目，作为歌手，歌曲可以传播到畀更多唔同观众就更好。”