二月廿九︱导演罗嘉骏冀跳出典型港剧框架：师奶剧打开边集都明

ViuTV开台5年除了培养出男团MIRROR及ERROR，电视剧及综艺节目亦愈来愈多人睇。讲起ViuTV剧集便不得不提由刘俊谦及吴海昕主演的纯爱穿越剧《二月廿九》，剧集于新加坡Asian Academy Creative Awards获颁香港区最佳剧集，在拍摄上像日本电影般唯美，令本地观众耳目一新，周四（27日）ViuTV发布的《今世做电视》请来幕后班底监制兼导演罗嘉骏（Steve）、编审黄智扬（Yellow）以《还未够好．还未够远》为题受访，亦纪录了续集《940920》的预告拍摄花絮。

点击图辑睇《二月廿九》精美剧照：

《二月廿九》的画面和调色备受赞赏，Steve指：“我好唔想好似典型港剧咁有𠮶种数码Feel，我自己嘅要求系近似日系电影嘅感觉，所以《二月廿九》唔系纯调色去影响颜色，灯光同摄影师拣嘅滤镜、美术嘅颜色设计都会影响画面。”Steve亦自觉应以画面说故事，亦花了不少心思在镜头上：“同典型港剧唔同、情绪同画面嘢镜头我哋会度得多啲。”Yellow认同不应以对白“画公仔画出肠”：“有啲嘢唔系讲出嚟，有啲情绪、有啲心声唔知点解好多港剧都会讲出嚟，我平时都唔会讲呢啲，咪用行动去代替，尽量贴近返人类嘅生活状态。”

点击图辑睇《二月廿九》炼成过程：

【二月廿九．剧评】力证刀仔可以锯大树　TVB再故步自封就系咁先

Steve坦言在《二月廿九》及《教束》播出前对剧集不寄予厚望，毕竟与传统电视制作的三机拍摄及说故事手法皆大相迳庭，拉近了与观众的距离是喜出望外的结果：“其实睇师奶剧同睇我哋嘅剧好唔同，因为师奶剧无论打开边一集都会睇得明，佢都系讲误会、争产、偷听到，之后又打和、煮个面你食，咁对电视台嚟讲咪好事，随时打开都有得睇；我哋呢啲对观众挑战就高啲，你冇睇上一集就唔明今集讲乜，对个电视台嚟讲挑战高啲，前一集铺得唔靓下一集观众就唔想睇。”Steve续指电视台有责任令节目质素有所提升，不停带新的事物予观众。

点击图辑睇创作人想带出的讯息！

虽然剧集成绩反应好，但质素上二人却未尽满意，不过大家都已经尽力：“我哋𠮶种黐线同格仔Mike导（刘诺衡）𠮶种黐线应该唔同，我哋𠮶啲黐线系好不计较，总之系24小时不停通顶，明明做少啲都可以解决到，但佢哋都唔介意去做多好多步，令效果提升1－2％质素！”刘俊谦大赞：“如果冇热情嘅话唔会OT咁多；《教束》仲《二月廿九》都系佢哋第一部作品，所以佢哋仲有太多潜能系我哋未见到。”

点击图辑睇《940920》预告：