逆天奇案｜林子超唔演奸角跌Watt？　独白戏被批太过火：下咗苦功

TVB剧集《逆天奇案》单元故事“预谋谋杀”虽然只有短短两集就结束，但查案过程一样精彩，当中以校园欺凌为主题引来不少人反思，而彭国忠（洪卓立饰）的遭遇更令人不胜唏嘘。在昨晚（18日）播出的一集中，彭国忠被揭发预谋杀人后，情绪终于爆发，而洪卓立在演绎这一幕时双眼通红，最后默默流泪，不少观众都大赞他表情到位，令人刮目相看！而饰演寡佬的林子超（Andy）在问话时咄咄逼人，但最后讲出自己曾欺凌同学的一段独白戏同样讨论度十足！

剧中寡佬（林子超饰）坚信彭国忠是因为曾被欺凌，所以早有预谋要报仇，最后杀死三位中学同学，期间咬实彭国忠不放，终于查出真相，Andy在接受《香港01》访问时亦有剖白感受：“我其实同情阿忠俾人欺凌，但我矛盾嘅位系因为我系一个执法人员，我有责任令佢绳之于法，我知道佢好惨，但同时佢亦需要面对法律嘅制裁，因为佢真系杀咗人，而我嘅心结系当我知道错嘅时候连讲句对唔住嘅机会都冇。最尾𠮶段独白系我下咗最大嘅苦功，因为要由叙述一个事情，到逐步建立一个情绪，甚至双眼通红、去喊，内心个历程系好大，咁我就要不断去谂人生好内疚嘅事情，令到自己投入角色，讲到𠮶段对白而唔奇怪，亦都系我今次呢套剧最大嘅挑战。”

点击下图重温：

Andy曾在剧集《法证先锋IV》中饰演弑父凶手，既演活了凶手内心的矛盾，又表达到孝顺仔与凶手心理之间的反差，而他在《宫心计2深宫计》中同样饰演心狠手辣的角色太医仔陈茗风，不但欺师灭祖送文太医（袁文杰饰）上绝路，更为皇后（胡定欣饰）做尽坏事！Andy两次饰演奸角都因演技精湛而备受赞赏，但今次饰演寡佬就被批太过火，对此他就解释道：“冇可能所有人都喜欢你嘅演出，但我就好畀心机去做好每一个角色，我觉得有人谈论已经系一件好好嘅事，证明咗佢哋有睇。（演奸角发挥空间大啲？）好多时观众睇到奸角嘅起承转合幅度会大啲，容易去掌握，但演忠嘅时候内心戏都要铺排，譬如我今次做执法人员同过去嘅角色唔同，我都要下苦功令到出嚟嘅效果舒服，所以我又觉得冇乜太大分别。”

重温过往演出：

皮肤白净，身形又大只的Andy笑容阳光，更有网民封他做港版许光汉，不过他就谦称不敢当：“之前《想见你》（播出）嘅时候呢，啲人都有话似，但我唔敢认呀，我惊我认咗之后会俾人打，所以我而家剪短咗头发，我而家觉得自己似陈小春多啲。夏天我想有个新嘅形象改变下，剪短晒头发又晒黑，好似阳光啲！”