【高清多图】女神信缘分？简淑儿鼓起勇气表白：缘分唔系坐喺到等

TVB处境剧《爱．回家之八时入席》临近尾声，开始逐一交代剧情和感情线，而昨日趁着Boxing Day就有其中一对深得观众喜爱的小情侣在一起，由少女标本的简淑儿（Jessica）饰演的袁冰冰（Elsa）终于与阿齐（阮政峰饰演）有情人终成眷属喇！

虽然有不少网民都好希望Elsa可以和一直暗恋的十仔（马贯东饰演）拍拖，不过女主角Jessica却这样想：“好多人想我同十仔一齐，但Elsa同十仔已经冇咗㗎啦嘛，大家就系所谓嘅有缘无分，有缘识到，但十仔对Elsa冇意思㗎嘛，但Elsa同阿齐就系有缘有分，有缘识到都识得去把握个机会。”

讲起缘分两个字，Jessica昨日在剧集出街前亦都在Facebook贴上剧照写到：“曾经有人同我讲过‘缘份（分）’呢两个字嘅意思…佢话，‘缘’系上天比两个人一个相识嘅机会‘份（分）’系呢两个人点去把握个机会...牵手定放手...就睇大家嘅‘缘份（分）’。”

看来，女神应该很看重缘分？Jessica直言：“细个会觉得感情系天注定，觉得所有嘢唔需要自己争取，大个咗就会知其实感情上有好多嘢。”她表示是否能够有缘有分，就是看大家有几愿意为感情付出，好似Elsa和阿齐，若果Elsa没有决定送银包，而阿齐又没有送首歌，就没机会在一起：“好多人会觉得缘分系天注定，但其实天只会帮到你一半，唔会帮得晒你㗎嘛。”

问到Jessica可会争取属于自己的缘分？她就想起曾经遇到一个男生，因为大家住的国家不同，所以好犹疑要不要和他告白：“喺佢要返番自己原本住嘅地方时，我觉得好唔舍得，就发觉钟意咗佢，我好犹疑好冇同佢讲，因为个男仔冇追我，系对我好好嘅，但我完全唔知佢系咪钟意我。”

Jessica续说，当时想起Facebook上打的那句说话，知道坐着是不会等到缘分，所以就在对方临走前表白：“好彩佢都答返我同一样嘅嘢，佢都钟意我，然后就一齐咗，如果个刻我冇讲，佢返番去自己国家，大家都唔会一齐啰。”虽然这是Jessica第一次鼓起勇气向男生表白，可惜因为维系异地恋甚艰难，最终拍了大半年拖就分手了。

听完女神讲“缘分论”，有没有鼓励到你追求心爱的对象呢？祝愿大家下年圣诞都可以同你的最爱过啦！♥