【八时入席．多图】简淑儿女神爱上兵　阿齐圣诞脱单终于拖到冰冰

12月26日，Boxing Day，唔知大家拆咗礼物未呢！仲怀缅紧你嘅Lonely Christmas拖唔到女神只手仔？TVB今集《爱．回家之八时入席》就正能量爆发，鼓励大家兵仔都有出头天！

话说处境剧一般都有好多角色，亦有好多感情线，其中一条就是由少女标本的简淑儿（Jessica）饰演的袁冰冰、阿齐（阮政峰饰演）和十仔（马贯东饰演）的三角恋，三个社会新鲜人在办公室中发展暗恋、明恋、单恋、相恋，可能会有人觉得关系好乱，但又偏偏又好真实，被单恋的男神可以代入十仔，倾慕男神的女生又可以幻想自己做冰冰，至于长期存在感低落，只有幻想和梦中才能见到女神的宅男，就和阿齐同病相怜。

不过，皇天不负有心人，事实上早在几个月前冰冰其实已放弃暗恋十仔，转移喜欢阿齐，唯独是阿齐被女神暗恋居然仍懵然不知！故事发展到191集，《爱》在早前已经宣布不再添食，不少网民都越睇越心急，到底依对傻瓜情侣有冇机会喺终剧前，有情人终成眷属呢？

文章的开头已经讲过，今集（191集）《爱》是正能量满满的集，讲述圣诞节要交换礼物，冰冰和阿齐都为对方花尽心机，但冰冰只送了姜饼人，而阿齐居然送了朱古力，唔系挂？天时、地理、人和统统配合，阿齐竟然不好好把握！唔系真系想做一世兵下话？

傻啦，一集半个钟，好戏不摆在后头又点令你睇到最后？最后，两人在大埔林村相遇，终互向对方表白心意，冰冰将亲手造的银包送给阿齐，而阿齐亦终于找到冰冰找了很久的歌，两人终于拖手正式在一起，可喜可贺！

咪住！咁系咪啫系以后8点打开电视都睇唔到Jessica BB喇？唔使担心，Jessica下年还会参演电视剧《迷》，到时又可以继续见到Jessica喇！

《迷》未出街之前，睇住靓相先！