逆天奇案｜陈展鹏曾跟陈奕迅同台 观众听完Eason即闪：实力悬殊
无线剧集《逆天奇案》于周二（11日）举行宣传活动，男主角陈展鹏出席为剧集造势。展鹏对上一套出街的剧已经是三年前的《天命》，他自言今次剧集出街又期待又有压力，因为头几集他的戏份较重，他续说：“你问我，我系有信心嘅，你问好唔好，每个观众嘅睇法见仁见智，但系起码拍呢套剧嘅时候，有返自己香港嘅特色同节奏，有返大家钟意睇港剧个感觉。”
展鹏坦承自己也希望先照顾香港观众的“煲剧”口味。他直言：“你问我，我哋唔拍港剧，冇乜人拍㗎啦，会消失，会冇咗港剧。我希望例如好似音乐咁，广东歌，唔再唱嘅时候，就唔会再有广东歌。”谈及网民认为TVB拍多警匪片，展鹏承认的确是有好多类似片种，但他觉得这是香港的文化之一，他说：“点样可以有一啲新嘅题材，同埋新啲嘅切入点。”他表示自己之前拍下来未播的剧，除了这部外，其实其他剧也是与警察无关的，他强调：“ 其实警匪片系应该要拍嘅，但系真系要大家谂吓点样可以畀啲有返啲质素嘅畀观众睇。”例如今次的《逆天奇案》，在细节上也跟以往的有不同。
又例如不少网民批评无线的剧集不够“贴地”，展鹏承认有时也会这样想，但“贴地”与否其实是取决于生活的品味等等，“但系当然我哋电视剧都希望带多啲大家鲜为人知嘅嘢畀大家睇。电视剧同电影一样，如果好嘅电视剧系应该带到个空间（畀观众），呢个系幻想空间，你睇西片，佢都有个幻想空间，佢都唔贴地㗎，但系点解佢都可以吸引到你去睇呢？系因为佢成个拍摄技巧同埋个认真。到而家呢一刻我都永远觉得，其实冇一个演员系演一场戏系完美嘅，或者呢一套戏系冇破绽嘅，咩对白系最好嘅，但系我哋希望喺我哋个拍摄过程里面系认真，同埋用心、用力，观众系睇到嘅。”
展鹏近来重投乐坛出歌，近来他接受其他传媒访问时，讲到试过紧接着陈奕迅（Eason）的演出出场，但有观众听完Eason唱歌后就离场，他直言是真事，“因为实力太悬殊，当年Eason一出场（指：出道），佢已经系好有实架㗎啦。我印象中Eason新秀比赛嘅时候，唱学友嘅歌，已经outstanding得好紧要，所以观众其实咪就系识听嘢。”他回想自己一出道时的歌曲大多是营造个人形象，而没有太多要带出来的讯息或感情。他又说：“其实呢件事有时自己系会惊咗，但都可以认清楚自己，唔系话你做歌手出到嚟，就一定有人睇，如果唔系你玩晒啦！我觉得要清楚当时点解自己会咁样先，系咪真系好多不足先，你有冇真系听返自己唱歌先，所以其实系一个好好嘅进步空间。”他觉得最紧要是有心去进步和学习，与时并进。
点击睇有几劲：