逆天奇案｜“镜粉”冯盈盈太忙冇睇MIRROR演唱会：我系佛系心态

冯盈盈于周二（11日）出席有份主演的剧集《逆天奇案》的宣传活动。盈盈近日在综艺节目《好声好戏》的配音表现受到赞赏，她表示的确有很多人跟她说有留意节目。她为团队付出的努力得到观众留意而感高兴，但在她个人来说，最开心的是有人赞她的咬字有进步，改善了说话有懒音的问题，“因为我呢几年嚟，一直希望喺呢方面有改进，读返清楚啲对白畀观众听，大家真系留意到，我开心嘅位系，终于唔使辛苦观众，因为一直以嚟，可能好多观众嘅声音都话，听我讲嘢有啲辛苦，因为要睇字幕先听得明，而家我觉得终于纾解左呢方面嘅压力啦，唔使下下要留意字幕先明白我讲紧啲咩。”

另外，盈盈早前曾在IG出po自认是MIRROR的粉丝，近日MIRROR的演唱会成为热爆话题，但盈盈就未有去撑场，她说：“我知道都好多艺人去咗睇，亦都好热闹，但系只可惜我真系忙于工作，所以去唔到，因为例如剧集出街，我夜晚有开live大家一齐睇电视、睇首播，同埋睇佢哋嘅反应，仲有夜晚我都要上堂，近排学紧唱歌，同埋上紧心理学嘅course，有啲assignment嘅deadline要交，仲有好多宣传嘅工作要做，所以真系唔好意思。最重要都恭祝佢哋顺利举行，见到反应都好好。”早前MIRROR演唱会一票难求，被问到有没有份抢飞，盈盈说：“我都系佛系嘅心态嚟嘅，有嘅话就去睇，冇嘅话都唔强求。唔好咁执着就冇乜问题㗎啦，专心做好自己啲嘢好啲。”

早前卫志豪跟一众艺人上《开心大综艺》做嘉宾，并在IG限时动态直击现场情况，但引来网民私讯攻他，直指“好娘”，又send了MIRROR成员Anson Kong和姜涛的照片给他，卫志豪事后嬲爆，在社交平台上载了与该名网民的对话截图之余，又打千字文发表感受。盈盈是《开心大综艺》的主持之一，她表示不会对个别网民的意见有什么评论或者是介怀对方的说话，“因为我觉得每个人有唔同嘅声音、主观意见，同埋感觉，总有一样嘢系有人buy，有人唔buy，所以我觉得每一个佢哋畀我哋嘅comment，我哋都有留意，但系有留意得嚟又唔会特别放喺心上，要系为咗一个comment刻意做好多改变，我觉得系focus喺自己做紧嘅嘢，做好嘅话，自然会有人睇到同埋认同。”

点击下图看更多盈盈的靓相︰

同场加映：冯盈盈获评判一致好评　出色表现获刘江激赞：出神入化