【圣诞节】御用傻仔戴耀明约女经验丰富　醒你最强秘技：未失败过

今晚是平安夜，一众单身、又自称“毒男”的朋友，要慎重考虑会否出街。就算外出，都要记得要戴黑超，不然会被周围的闪光弹闪盲。讲起毒男，圈中著名人物除了有马国明及“伪毒”吴业坤，就好似冇乜人？谂谂下，还有戴耀明！系㖞！有“御用傻仔”之称的戴耀明，可能因为过往所演的角色，外表戆直又带几分滑稽，加上他做起此类角色时，夸张得来又入形入格，所以网民除了力赞，都会对戴耀明的印象先入为主，觉得真实的他也是忠忠直直，而且他又未成家立室，总会觉得戴耀明渗透着“毒男特质”。咁，今日平安夜，实会觉得他又过第N年单身圣诞啦！

戴耀明自己都不避讳，承认曾经试过圣诞节有过“寂寞、空虚、冻”：“我都试过几年无女朋友过圣诞，咁咪约下啲男仔朋友一齐去兰桂坊，睇下认唔认识到一啲新嘅朋友啰。”不过，外表毒毒地的戴耀明，其实都有不少约女仔圣诞去街街的经验，他表示：“我都一把年纪，从中学到现在都有唔少经验，如果到而家得一两次，咁就好大剂啦！”经验丰富的戴耀明又有什么约女秘技？他就话最紧要有诚意：“最好约女仔之前，就订好晒餐厅，唔好出到嚟先谂食咩，咁先俾到对方觉得你系有晒准备。不过当然要个女仔都对你有意思先啦！”

必杀技：要有心思

我都知有意思先成事，要怎样做才可以加到CP值？戴耀明就分享一个万试万灵，连佢自己都话未失败过的方法，就是“我手写我心”：“我觉得呢个行为几好，就系喺对方唔知的情况之下，圣诞节之前寄张圣诞卡去对方屋企，卡入面写住想喺24、25号想约佢去街，如果平安夜唔介意会过得唔平安的话。就会觉得好有心思、好Surprise。”不过寄圣诞卡都要知道对方地址，戴耀明就劲啦，送过心仪对像返屋企。各位单身人士，这个例子是否好励志？今年圣诞就应该嚟唔切，留返下年加把劲都有一番作为㗎！加油呀。