陆浩明被讽“40几岁仲后生仔”　撑193做自己：我哋细细个都会错

陆浩明（6号）今日（20/4）与冯盈盈出席“千万求一路”活动，谈起置业的话题，6号直言想在今年内买楼成家立室：“最紧要解决置业问题，我好传统如果结婚就要有居所，租咗屋都十年八年，希望可以快啲上到车。”提及早前曾志伟批评ViuTV节目题材偏门，只能与J2比较，不可与大台相提并论，ERROR成员193（郭嘉骏）就反击问：“J2系咩嚟？40几岁仲做《#后生仔倾吓偈》𠮶个？”躺枪的6号指自己绝对不介意：“好多谢有留意我哋节目。”冯盈盈补充道：“笑6号嘅年龄系每一集嘅opening tag，由麦明诗年代已经开始笑，系忠实观众先会get到。”

193@ERROR表示不再称呼TVB观众为“老嘢”：叫佢哋耆英

193@ERROR隔空反击曾志伟　花姐：我呢啲大人有包袱唔够胆讲出嚟

曾志伟评ViuTV只能与J2比　193@ERROR隔空反击：佢哋畀老嘢睇

冯盈盈更替尴尬的6号解画：“我都要多谢6号成日帮我哋打圆场，如果唔系节目都做唔到落去！我哋班后生KOL成日都口直心快，讲错嘢得罪人都唔知，全靠有呢位好豁达、唔介意我哋讲错嘢嘅前辈！有时节目爆得来唔好过火、大家又听得舒服，系唔容易拿捏。”6号立刻落闸否认是前辈，又以节目的灭火筒自居：“当佢哋辣着火头我就会出嚟救火。”

谈起193被指不尊重前辈，6号就回应道：“做呢行好多嘢都要跌跌碰碰，喺经验中学习，我哋细细个以前都会错，所以我觉得唔好畀框架自己，做返自己系最正！”

至于曾志伟指ViuTV节目偏门，仅能与J2比较，《#后生仔倾吓偈》作为J2的节目代表，冯盈盈就说：“我哋就系J2最偏门嘅节目， 揾我哋两个做咪好偏门啰，讨论嘅题目都好偏门！”如果两者竞争有信心？6号就贯彻掌门人的打和风格：“我觉得唔使分输赢，做到好嘅节目赢家就系观众。”

问到有否看友台以知己知彼，6号就立即推搪说：“我哋工作好忙，但好睇我哋都会睇，睇书睇新闻同财经多，不过真系冇乜时间。”冯盈盈就指最近在看《思考的法则》，继而悟出：“未经证实嘅嘢唔代表错唔代表唔啱，需要大家独立思考，有时网上讲嘅嘢唔一定系真。”

193@ERROR IG粉丝人数超越陆浩明　暴增至16.6万直逼姜涛

被问到是否认识友台组合MIRROR及ERROR，二人就异口同声以浮夸语气说：“梗系识！点会唔识啊？”6号说：“咩人红我哋都会识，总之红就识！唔止香港，外国都系！”冯盈盈补充道：“呢个圈有咩动态，我哋睇娱乐新闻都会认识到。”冯盈盈又欢迎跨台合作：“有任何嘅合作空间、工作机会我哋都欢迎。”

无线大股东黎瑞刚近日接受访问指要减少煮食节目，6号与肥妈主持的《食好啲食平啲》首当其冲，6号指工作如常：“冇乜受到影响，（收入？）今年有边个Artist唔首当其冲、唔受影响？疫情关系大家收入都差好远，其实唔紧要，肥妈每个星期都会喺网上自己继续煮。”