193@ERROR隔空反击曾志伟 花姐：我呢啲大人有包袱唔够胆讲出嚟
人气男团MIRROR今日（13/4）现身旺角街头出席两周年缘份扭蛋开幕活动，吸引近三百名“镜粉”无惧烈日支持偶像，场面非常墟冚。
《调教你MIRROR》日前完成拍摄，不少粉丝都留意到12位成员较从前放松、笑容亦比以前多，经理人花姐接受《香港01》访问时坦言MIRROR成员间变得更亲密：“佢哋入Camp嘅第四日，阿祖（梁祖尧）Send Message同我讲MIRROR有一个好大改变，之前一晚佢哋12个大喊咗一场，讲晒心底话、对对方感受，而家就好了解对方。呢2年佢哋关系好好，但又未系好Close，呢个系一个好好机会令自己进步同埋同队友更加Close。而家佢哋个人放松晒，有晒笑容，亦都帮助到演唱会。”
曾志伟在访问中透露曾邀姜涛上TVB不过被拒，花姐指都是透过仔仔才得知此事：“我都唔知，系我个仔睇报道话畀我知。我又唔知道鲁生当时点回应，我又唔知老爷（曾志伟）当时点邀请姜涛。无论如何，我都好多谢志伟欣赏姜涛同畀机会佢，第日有冇机会合作就再算。”
对于193@ERROR最近隔空反击曾志伟的言论，花姐认为他的说话不无道理，不过同时要顾及别人感受：“193嘅言论系见惯不怪，佢会当众话‘花姐你好肥’。大人系唔会怪佢，佢系一个直肠直肚嘅人，佢讲嘅内容唔系冇道理，有啲我系认同。我呢啲大人有包袱唔够胆讲出嚟，佢够胆讲。但我都会同佢讲，做公众人物要互相尊重，193好听话，经过今次，佢知道讲自己意见都要理人感受。”
而因负面新闻暂时休息的保锜早前亦以另类方式现身《最后一届口罩小姐总决赛》，花姐指：“我从来冇话要雪保锜，之前佢情绪好困扰，应该畀佢静一静。呢段时间觉得保锜进步咗好多，肥仔话《口罩小姐》有Press Con要点，我话照畀佢出嚟，个节目佢有份。见到佢哋用呢个方法系好好，佢哋几兄弟好Warm，三个支持住保锜。唔好睇ERROR骑骑呢呢，一讲感情就好窝心。”