李国麟爆无线颁奖礼绝望真相　绿叶王捞足42年：要自己谂定未来！

无线万千星辉颁奖典礼圆满落幕，赛果当然是有人欢喜有人愁，而赛前已被指是炮灰王的马国明，一如所料，坐足成晚冷板櫈，而跟他多次合作的李国麟，在仓底剧《流氓皇帝》中，再次跟马国明有对手戏，而对于好友再次陪跑，李国麟无奈表示“戥佢唔抵？系都戥咗自己唔抵先啦。”

入行42年的李国麟，对于颁奖礼嗤之以鼻，“同马国明合作咗好多次，佢系好演员、乖演员，话佢无运？佢又套套都做男主角，但讲到有无奖，又要睇好多嘢，始终得一个视帝。”李国麟表示明白颁奖礼有好多商业考虑，“做咗咁多年都知道游戏规则，想攞奖先要入佢哋嘅圈子，咁我又唔钟意咁做，而且我哋呢啲合约艺员，颁奖礼嘅时候咪摆埋一边啰。”

李国麟对于“亲生仔”的潜规则，至今仍愤愤不平，“喺我角度睇，我74年已经入无线拍嘢，我觉得自己先系亲生仔。”在无线有不少绿叶配角，多年来受尽冷眼，仍选择留在无线，只为了心中的一团火，否则很难在圈中生存，李国麟亦承认自己确实喜爱演戏，“拍剧时大家都有一团火，一班同事其实好开心，好有团队精神，老实讲如果用依家嘅努力，出去做其他嘢，人工一定更加好。”

不过李国麟亦坦承近年剧集质素是下降了，皆因无竞争的环境，对演员、观众也不是一件好事，“剧集嘅质素系跌咗嘅，点解呢？因为度火减咗，以前有丽的、亚视，对家有啲乜嘢，我哋就要即刻变阵迎战，依家都无仗打，演员亦得一条路无选择，为生活都会继续拍嘅，系枯燥啲㗎啦。”

李国麟不介意无奖攞，可以继续演自己喜欢的角色，满足到表演欲，但有时只得一、两场戏，对于从影多年的李国麟，却要保持自己的专业身价，试过推剧得罪过人，不够听话，久而久之，颁奖礼入场券变成过眼浮云，“做咗咁多年，出街一定有人认得，但次次都只系记得角色名，真名噏到口唇边都系讲唔出，以前会唔高兴，但依家知道咁先系好嘢，公司都无promote到个人，人哋叫得出角色名，即系我演得成功啦。”

近日无线被有线帮入主，反而效力了多年的老戏骨，如麦包、李天翔、陈国邦等艺员，相继被放弃，或转签部头约，李国麟会否觉得公司将艺人用完即弃，相当无情？李国麟苦笑道：“呢个商业社会，只会同股东交代，至于艺人就要自己谂定未来，为自己打算，唔通到入老人院嘅时候，仲要人养呀。”李国麟不怪公司无情，但他早已到内地掘金拍剧，又接拍电影及网络电影，不用卖无线帐，讲句嘢都大声啲。