李国麟隔35年再演《流氓皇帝》 山贼升呢做二叔公：全力以赴啰
撰文： 陈浩贤
出版：更新：
无线近年有不少穿越剧，原来翻拍秋官81年旧作的《流氓皇帝》都系？吓，不是指套剧，而是当年饰演山贼斩崩刀的李国麟，35年后再次拍摄该剧，饰演周丽淇父亲易叔恭(二叔公)，究竟该剧是否真的如网民所指是一出胶剧，跟秋官和司棋姐那一出旧作，又是否无得比呢？《香港01》记者访问了同时拍了新旧版本的李国麟，由他品评新作就最中肯。
《流氓皇帝》虽然被指是炮灰剧，但剧中的二叔公性格缩骨，可以将皇帝夜壸，以3个大洋卖到50个大洋，低买高卖，相当古惑，而当年这个角色是老戏骨刘克宣饰演，珠玉在前，如何去挑战旧作呢？李国麟表示：“你都识话珠玉在前啦，我无谂点样去超越前辈，都系尽自己所能，全力以赴啰。”原来李国麟跟刘克宣相当有缘，早前在剧集《无双谱》中，李国麟正是饰演老乌龟九千岁，而当年该角却是刘克宣担当演出。
李国麟表示：“对于翻拍以前嘅经典作品，其实我都好开心嘅，但大家又唔可以纯粹怀缅，因为编剧都有新嘢加入去个剧度，只系用番《流氓皇帝》个名啫。”两出新旧版本作品，谁优谁劣呢？“又唔可以就咁比嘅，只可以话观众层面唔同咗，选择多咗啫。至于套剧系咪劣咗呢？唔到我哋去批评嘅。”
那么又如何揣摩二叔公一角呢？“其实演咗咁多年戏，又有番咁上下人生阅历，监制俾个角色我，咪先构思下点做，点样用身体语言去表达啰，自己未有演过近似角色，亦都唔钟意演相同角色，等于厨师咁，公司俾出材料，睇吓自己点煮嘅啫，网民钟意我都好高兴。”