黄夏蕙为节目亲身到主题时钟酒店视察：见到真系想入非非！

黄夏蕙（夏蕙姨）今日（3/4）连同契仔杨峰及契女徐宝凤现身湾仔出席清谈节目录影。夏蕙姨透露早前为节目亲身落区到时钟酒店视察，竟然令她大开眼界：“原来而家啲时钟酒会有不同嘅主题，例如有啲房间会做到好似地铁车厢咁，亦有做到好似诊所咁，畀大家嚟到可以扮医生同护士，又会有写字楼咁嘅场景，令人见到真系想入非非。时钟价钱我都有问到，又唔系好贵，两个钟都系二百几蚊，都真系好抵。”

而杨峰就透露近日身体出现毛病，经医生诊断证实左耳严重失聪：“其实听唔到嘢已经几个月时间，可能之前喺内地做嘢几个月太过辛苦，夜晚又冇得瞓，日头又冇得瞓所以搞成咁，其实而家听唔到嘢，属于严重耳聋，所以而家都要接受中西医治疗，希望病情有改善。”而徐宝凤就透露近况生活非常充实写意。