陈婉婷自揭做过销售员帮公司倒米：直接同个客件衫讲著得唔靓

陈婉婷（Hebe）今日（2/4）性感现身尖沙咀出席慈善义卖“愿望爱行动”启动礼。Hebe笑言：“其实我卖嘢嘅能力系比较差，因为我细个喺间服装店做过销售员，试过成日一张单都开唔到，唔似其他人咁叻口甜舌滑，可以叫个客买完件衫，再𠱁佢买埋条裙同对鞋。而我系𠮶啲直肠直肚嘅人，会直接同个客讲，件衫佢著得唔好睇，所以我系卖唔到衫，帮唔到公司揾钱，之后觉得自己亏欠公司，做咗一个星期之后就辞职唔做。”