后生仔倾吓偈 | 赵增熹爆监制秘辛 唔会发歌手脾气 ：焗住要赞
撰文： 邝钰莹
出版：更新：
曾为刘德华、李克勤、叶蒨文、李玟任音乐总监嘅赵增熹，其音乐成就有目共睹。喺最新一集《#后生仔倾吓偈》中，呢位音乐总监大爆工作秘辛史，除过试过一首歌录成年都未完工之外，亦大部份时间都要揜住良心开工……
赵增熹透露歌手迟到已经系例行工事，所以他与录音师等人都会揾定节目消遣时间。“有时佢哋得两小时，录几多你自己搞掂佢，就算唱唔到、唱得差都系我自己搞，而家科技愈来愈进步，监制做愈多呢一类的事情。”当问到有无歌手一听就知唔掂，但仍然坚持出歌时，赵增熹就以“唉”声作为回应，十分好笑。“我差不多所遇到的所有歌手一入来都会讲‘今日把声唔系好掂’，反而从来未听过‘今日把声好正’”。
赵增熹又透露，曾经有歌手在失恋时写歌，连他自己听到demo时亦觉感人。“但再入studio已经系两年后嘅事，佢已经蜜运当中，所以唱极都唔够好，最后揾咗虾头用做戏入手，揾返啲感觉出来，但都只能够一次性，问佢唱唔唱到多一take已经唔得。”赵增熹表示呢首歌最终系成功面世，但前后录了一年多时间。节目中，赵增熹多次指自己系服务性行业，所以从未来都唔会发歌手脾气，问到曾否遇上歌手表现不佳时，都要焗住话正，赵增熹就话“大部份时间都系咁”。
点击下图睇波波心机LOOK：
+5