后生仔倾吓偈｜波波贴身运动衫上阵　朱敏瀚：冯盈盈无呢个效果

为咗宣传J2新节目《解构心机女》，主持人之一嘅赖慰玲、刘佩玥作客《#后生仔倾吓偈》，仲揾埋朱敏瀚一齐吹水。

节目一开始，安排咗几位后生女示范约会心机look，芷欣先以短裙登场，再加上不同嘅捆绑皮革，令一班男士兽性大发，之不过，当轮到波波(黄凯仪)出场时，当佢脱下外套后，超贴身嘅运动装束将其丰满身材尽现，埸面震撼到连冯盈盈、刘佩玥都睇到眼凸，而朱敏瀚即时怕羞拧歪面：“呢啲唔够胆睇，返屋企要跪键盘。”但之后都忍唔到补充：“我觉得机心呢样嘢都系讲实力，我谂盈盈著就无呢个效果!”攦明赞波波身材好。

后生女示范完心机look后，要求朱敏瀚拣出当中之最，但佢就好犹豫，仲话：“呢集出咗街我真系返唔到屋企，希望佢无睇到。”最好笑系后生仔GM提到如果波波以呢身打扮出现喺健身室，所有男士应该都会更加卖力，仲问朱敏瀚如果你见到波波会举几多磅铁饼，朱敏瀚就话：“仲举？直接举佢啦！”呢个答案确系直接！但为怕激嬲女友，所以佢又补充表示：“澄清返，我平时做GYM系同男仔做，佢叫张振朗，我哋好专心。（如果你举bar唔够力，张振朗会帮你，但如果系波波帮你呢?)应该会无晒力……通常健身嘅人会睇啲激发荷尔蒙嘅画面去健身（咁波波激唔激到？）太过啦。”身在台湾嘅余思霆睇到呢集《后生仔》之后，唔知会有咩反应？

点击下图睇波波心机LOOK

同场加映：后生仔倾吓偈｜戴祖仪与父母同住屋企唔戴bra：我出街先会戴！