【声梦传奇】15岁炎明熹同其他参赛者零交流：我成日发梦！

无线（TVB）歌唱选秀节目《声梦传奇》参赛者炎明熹（Gigi）今日（27/3）到将军澳电视城出席节目拜神仪式。现年15岁的Gigi表示：“其实二年前我有参加过内地嘅歌唱比赛节目《中国好声音》，可能当时未准备够，所以最后都入选唔到。好在今年见到无线搞呢个歌唱比赛，如果唔系我会去其他地方读书增值自己。（有冇人话你似王菀之？）我记得系有人话过我似佢，可能我耳仔大大，而个样同对眼都有啲似佢。佢啲歌好好听，而且唱功好劲，亦系我学习嘅对象。（见你同其他参赛者好似零交流？）其实同佢哋都熟，只不过自己可能成日喺度发梦，无端端呆咗喺度。有时佢哋同我讲嘢，我都未必听到。”