TVB记者会恶搞姜涛惹公愤　涉事Bob林盛斌致歉：会好好检讨言行

TVB日前举行“超级综艺　隆重登场”记者会，介绍新嘅9个综艺节目，但大家焦点落喺记招上，邓智坚扮MIRROR主将姜涛化身“姜蓉”，更跳住舞唱出《蒙著嘴说爱你》歌词“So I say I love you”，当时麦美恩追打邓智坚大叫“收声啦！”阿Bob林盛斌亦喺侧边大叫：“打佢！o赵佢！”连日来大批姜糖到各人社交网留言炮轰。

TVB记招恶搞姜涛惹FANS炮轰　冯盈盈自认镜粉扑火：我系追星族

眼见群情汹涌，冯盈盈先喺27号出POST自认镜粉扑火，同样成为箭靶嘅阿Bob随后亦发文致歉：“收到各位嘅意见，亦明白大家嘅感受。如果我嘅行为同言论令到任何人唔开心，我衷心同各位讲声唔好意思，对唔住。亦向姜涛同其他支持佢嘅朋友及粉丝表示，我为我一时冲口而出嘅不当说话令人有唔好嘅感受，感到十分抱歉，我亦会好好检讨我日后嘅言行。”