TVB记招恶搞姜涛惹FANS炮轰 冯盈盈自认镜粉扑火：我系追星族
撰文： 洪晓璇
出版：更新：
3月24日TVB举行记者会，向外界介绍九大新综艺节目，但记招上揾嚟邓智坚以“姜蓉”身份，扮MIRROR主将姜涛，惹来大批姜糖不满。有份出席记招嘅冯盈盈呢日马上出POST扑火自认系“镜粉”：“我努力扑紧Mirror演唱会飞。”
当日喺记者会上，邓智坚以“姜蓉”身份扮MIRROR主将姜涛，更跳住舞唱出《蒙著嘴说爱你》歌词“So I say I love you”，麦美恩见状便搞笑地说：“收声啦！”而冯盈盈则说：“你够胆嚟踩场？”连日来大批姜糖到各人社交网留言炮轰。
+7
TVB记者会恶搞姜涛惹公愤 涉事Bob林盛斌致歉：会好好检讨言行
冯盈盈27号中午贴出同姜涛合照企图扑火：“呢个moment我要爆喇﹗其实我嘅真正身份系追星族，我一边努力扑紧Mirror演唱会飞，一边努力捍卫姜B喺我心目中嘅形象。𠮶啲什么姜蓉！？就算再扮得几盏鬼，就算再向我姜B致敬，就算香港人再多幽默感，都接受唔到啰﹗今晚我实打多两碗姜蓉捞饭食，咁先吞得落呢啖气。无咩事嘅话我出番去扑飞，有无人有多3张Mirror演唱会飞俾我？我助手同佢朋友都想睇。#3张Thx #2018年12月13日第一次合照 #2019年4月19日再为你欢呼”
点击睇FYY同麦明诗以及当时仲好好感情嘅江嘉敏，一齐撑MIRROR演出嘅片段：
+8