后生仔倾吓偈｜戴祖仪与父母同住屋企唔戴bra：我出街先会戴！

最新一集《#后生仔倾吓偈》以“无谓执着”为题，但唔知点解，一班后生仔讲讲吓变成睡眠习惯，当冯盈盈提到自己钟意一丝不挂瞓觉时，戴祖仪就话自己“唔著衫瞓会有五十肩”，所以平时会穿T-Shirt、短裤入睡，之后冯盈盈问：“咁你T-Shirt入面戴唔戴bra？”戴祖仪同后生女Sharlene不约而同表示“no”，Sharlene仲话平时一起身就会戴bra，但戴祖仪听到之后就表现得有啲奇怪，并谓：“我出街先会戴。”换言之，戴祖仪长期在家都系维持“真空”状态。

听到一班后生女议论纷纷，戴祖仪仲系唔觉有咩问题，冯盈盈问：“咁你爸爸咪会见到啰？就算你好少出客厅，食饭总会见到挂。”戴祖仪表示从来都无谂过呢个问题，所以唔觉得呢个系一个问题。紧接，冯盈盈自爆妈妈喺屋企经常穿性感吊带睡裙，就连细佬都曾经向佢提议“不如你叫妈咪著返件衫啦”，而曾到佢屋企化妆嘅工作人员，见到伯母嘅打扮，亦都忍唔住问盈盈“你妈咪喺屋企都系咁著？”搞到佢自己都有少少尴尬。

同场加映：戴祖仪IG Post与Jumbo浸浴相：我系男仔都睇Jumbo