中年好声音3｜丁丁“姜涛湾”出事 立即惊青同无线认错
撰文： 吴子生
出版：更新：
占士丁丁昨日（5/4）现身屯门出席无线歌唱比赛节目《中年好声音3 》7强见面会。对于早前趁MIRROR成员姜涛的26岁生日竟突袭“姜涛湾”，与姜糖互动为姜涛贺寿，有网民留指占士丁丁的行为大胆，唔俾面无线，留言笑指跑出机会渺茫。中年好声音3｜7强名单决赛谁夺冠机会最大？
丁丁透过助手翻译接受《香港01》访问时表示：“其实𠮶日喺铜锣湾拍食牛杂片，咁啱见到‘姜涛湾’好多人，加上自己都知姜涛系MIRROR，而身边好多人都叫占士丁丁，于是就行埋去衬热闹。其实我唔系姜涛嘅粉丝，我只系听到有人叫我，加上姜涛嘅粉丝对我好友善，于是就走埋去打卡。”
被问到会否担心无线不满？丁丁表示：“其实𠮶日出咗个Po之后，见到好多负面留言，于是就即刻通知TVB经理人投降咗先，同佢哋讲我只系咁啱行过。经理人佢哋都好好，都话冇问题。同埋我见到有网民都为我讲好说话，话我系一个鬼佬，懵吓懵吓好多嘢都唔识。但我就觉得今件事对我比赛冇影响，我依然有信心。（下次见到会唔会再打卡？）其实如果再见到，我都会继续做呢件事，因为音乐系大同，我会尊重每一位唱歌又做得好嘅人，我又唔会觉得TVB会嬲。”