梁超怡反感被封“阿Sa情敌”　大爆同石恒聪真正关系

蔡卓妍 (阿Sa) 与富三代“百亿麻雀馆太子爷”石恒聪于2023年年8月惊爆已分手，当时有指是2022年港姐季军梁超怡介入，至令阿Sa忍痛结束6年情。而梁超怡就被网民封为“阿Sa情敌”之名。事后阿Sa公开表明分手原因不涉及第三者，但梁超怡恋石恒聪的传闻甚嚣尘上。到今年2月就传阿Sa与石恒聪早在在分手一年半后已经翻挞复合。

最近梁超怡被人影到与有“翻版王浩信”之称的林俊其身穿“白色情侣装”到尖沙咀拍拖断正，与石恒聪划清界线。今日（30/4）梁超怡现身电视城出席《2025香港小姐竞选》记者会。就事件接受《香港01》访问时表示：“其实面对一啲嘅绯闻及舆论，唔开心嘅一定会有，但我都属于一个正面同乐观嘅人，我都会好快咁消化咗。”

问到被封为“阿Sa情敌”，梁超怡表示：“其实都会唔开心，会问点解会系咁呢？不过我身边熟悉我嘅人都知事件其实唔系真。但见到人哋咁讲，我都冇办法，人哋点写点讲，我都冇控制唔到。（同石恒聪拍拖属实？）其实唔系真。（最近同林俊其拍拖断正！）𠮶个真系完全好冤枉，其实佢同我系好兄弟嚟，𠮶日系做完宣传所以一齐街街。（情侣装！）我同佢喺剧入面系情侣嚟，而𠮶个系做宣传先会著成咁。（会唔会考虑对方做男友？）冇可能。我觉得呢啲嘢系好讲感觉同缘分嘅，因为大家一开始认识系朋友。（佢靓唔靓仔？）都Ok嘅。”