购Chiikawa答错问题被赶走 网民平机会投诉 魏嘉信：要一早讲明
撰文： 吴子生
出版：更新：
《中年好声音》魏嘉信昨日（18/4）现身湾仔会展出席《香港国际试食节》开幕礼。对于近期Chiikawa限定店职员向排队人士考问问题，答错被请离开，事件引起网上热议，有网民认为店方做法有效打击“排队党”，但亦有网民觉得做法不恰当，声言要揾平机会投诉。
身为执业律师的魏嘉信就事件接受《香港01》访问时表示：“其实成件事就冇对与错。我认为一间机构佢想用呢个形式去卖自己嘅产品，系咪应该要一早公布佢哋会实施相关嘅做法，会考问产品嘅问题，到最后就由顾客自己决定排唔排队去买。我觉得应该要一早讲明，摊开晒攞出嚟讲，就唔好令人有误会。”
提到有网民指平机会应该就事件发声。魏嘉信表示：“呢一方面我就唔讲太多。但我就觉得喺售卖产品方面，本身系一个商业嘅事情，你愿意去售卖产品，人哋就愿意去买你嘅产品，而当中牵涉乜嘢条款，就好似我头先所讲，一开始你售卖嘅时候，要公布清楚话俾顾客知道，我哋售卖𠮶个方法系会问产品嘅背景资料，无论你有排队，到最后答唔到相关问题，我哋都唔会卖俾你，就唔好到最后先讲有咁多要求。我觉得成件事，其实系可以做得更加好，可以避免不必要嘅误会。”