向佐大爆严父向华强不善于表达情感与过去有关：佢未叫过爸爸妈妈

向华强为《无限超越班》第3季担任评审，并于节目内分享指向佐在娱乐圈发展平平，其实与自己过于严厉有关。指有次向佐于夜晚未够10点想出街都被向太阻止，说到这里一度哽咽：“那让他很有压力，对，这其实对他是...⋯不公平的。”

向华强又提到向佐在上一季《无限超越班》演技“笑得要死”，认为导师曾志伟和吴镇宇骂得他不够强，但就十分欣赏向佐的勇气，惹起网上关注。

向佐今晚（15/4）现身邮轮码头出席新车发布会，就事件接受《香港01》访问时表示：“其实我好多谢佢，我知佢好锡我嘅。咁其实佢呢一刻开心就得。”至于向华强指曾志伟和吴镇宇骂得不够，向佐表示：“其实旧年我系想听一啲真说话，因为佢哋系讲咗好多真话出嚟，咁我真系好开心。（爸爸多唔多面前表达佢对你嘅爱？）佢从来都唔俾面我。（唔钟意就打！）哈哈，你问我后面𠮶个，我阿爸从来都唔俾面我㗎，但我知佢好锡我。父母又点解要俾面你呢？一定要讲出真话，佢系想你好。咁所以点会俾面个仔㗎，我系未听过。其实佢系一位好中国式嘅老豆，佢系一位严父嚟，因为佢嘅出生，佢系未叫过爸爸妈妈，你明唔明，咁所以佢系唔识点样去表达。就好似佢拍第一部戏，导演叫佢叫爸爸，佢行到去个父亲面前佢系叫唔出，因为佢未叫过。（会唔会同爸爸做个节目，分享俾大家知两人父子情？）下次，我都会上呢个节目客串。”