艾威爱妻急需肝移植　经济陷困境追债度日：情况好紧急

苑琼丹（苑仔）和艾威（威哥）今日（7/4）现身上环出席直播线上团队签约仪式，艾威在致辞时，讲起身患重病的太太身在医院，正与病魔搏斗一度哽咽，情况令人忧虑。

苑仔接受《香港01》访问时表示：“其实点解我会揾咗威哥，事源喺呢个礼拜我行街见到佢好落寞，成个人好似戆居居咁，目空一切。于是我就叫佢，问佢你一个人嘅，你老婆呢？佢先讲我知佢太太依家喺医院度，情况好危急，加上威哥想喺呢行发展，我就即刻联络我老板，问老板可唔可以预支50万俾威哥先，起码个心少一样嘢烦住先，个心定啲。反正呢旧钱老板都要俾，变咗系早咗俾住先。”

艾威非常感激苑仔的帮忙，明白到现时要坚强面对：“第一样嘢千祈唔可以乱，咁样先可以处理得好啲。而近日我系追债度日，大家都知近年呢行都进入冰河时期，好多人都冇嘢做。而我同我太太以前手头上松动嘅时候，都帮助咗好多嘅朋友，变咗近日自己面对困难嘅时候，就开始主动问啲朋友还钱，有啲朋友都好好，都即刻俾返我，但就有啲朋友连自己都解决唔到，变咗有啲借咗出去嘅钱系收唔返。”

被问到太太最新情况？艾威表示：“情况系好危急。但佢就成日同啲朋友表现到冇事一样，因为佢黄胆持续咗好耐，一直都唔退，系寻晚先至退咗少少，同埋有水肿。（腹水？）佢寻晚抽咗11公升嘅水，其实而家系治疗黄金时期，要尽快换肝，医生冇话排第几个，只知道系几前吓，幸好黄疸指数冇持续升高，而家我每日都会攞汤俾佢饮。”