麦美恩被爆为人寸嘴兼无礼貌　好姊妹吴若希“割席”：同佢唔熟

吴若希（Jinny）今日（1/4）现身将军澳电视城出席TVB Plus《奇情谷》节目宣传造势活动。对于好姊妹麦美恩Mayanne近日疑被人网上爆料指为人寸嘴，说话大声兼无礼貌，惹起网上关注。

Jinny接受《香港01》访问时笑言：“Mayanne？其实我同佢唔熟。（啲人话你哋好熟！）唔熟㗎，完全唔熟㗎。（即刻割席！）哈哈，私底下冇乜联络。因为通常私底下都系讲是非。（近期佢有是非有冇问佢？）我有问佢，但佢唔答。不过佢都讲几句话件事都几得意咁。（你有冇叫佢唔好睇新闻？）咁又唔会，因为我哋两个如果睇到咩新闻，我哋系互相咁去攻击，哈哈，我谂我同佢嘅友谊系互相攻击。（Mayanne有冇唔开心？）我谂佢系有唔开心嘅，但我好相信佢系会用好积极方法去面对。”