龙婷被新歌《你是我最想爱的人》歌词感动：会不停咁喊

龙婷昨日（15/3）现身将军澳出席《你是我最想爱的人》新歌发布会，龙婷接受《香港01》访问时表示：“我记得喺2019年嘅时候，透过《星光大道》监制认识咗小松老师，经过两年嘅疫情，终于喺2021年年尾喺台湾见到佢，同佢饮咖啡食嘢，大家乜都倾。”

龙婷续指再到2022年双方多次再北京会面：“再到咗23年嘅年中，有一晚凌晨三点几，好似心灵感应咁，我坐喺梳化玩手机，忽然间佢发咗一个作品俾我，叫我得闲练吓，仲话得闲嘅话就过去北京录音，跟住我就好感动，因为我一路听到啲歌词，我系会不停咁喊。到咗今年一月份，佢完成晒就俾咗我，终于可以喺呢度介绍俾大家知。”