“颜氏兄弟”颜米羔被人公开追债　颜志恒：阿妈教落唔好问人借钱

颜米羔凭无线节目《中年好声音2》夺得季军后备受关注，工作不断。在比赛期间，颜志恒跟颜米羔合唱《幸福之歌》备受关注，两人“同姓三分亲”，过往多次被问到有否亲戚关系，颜志恒均表示没有，但绝对是缘份。

今日（15/3）颜志恒（Benson）现身将军澳出席新歌发布会。对于颜米羔生日当天遭债主在threads公开追数“赠兴”，还贴出多张与颜米羔私讯的对话截图，力证颜米羔玩失踪兼唔还钱，惹起网上热议。

Benson接受《香港01》访问时表示：“其实𠮶日同佢食饭，都有慰问佢，亦都知道佢已处理好咗件事，见佢心情都冇受影响。（当时睇到佢嘅新闻会否感愕然？）其实我系好惭愧，因为本身我都有正职，同埋要凑仔变咗系好忙，咁所以我系冇时间睇新闻，反而喺𠮶日同米羔食饭先知𠮶件事。”

问到作为艺人借钱是否要小心？他续说：“其实我阿妈教我千祈唔好问人借钱，唔好先使未来钱。但如果飞来横祸𠮶啲就冇得讲。而我通常都会留返啲储备喺度。不过讲真有时借钱都怕伤感情，咁所以喺钱银上系要管理好少少。（作为艺人要做好榜样？）其实唔好话艺人，自己作为爸爸嘅身份，都要以身作质，要好好管理自己嘅理财方面，变咗永远都会冇损失。（有冇试过借钱俾人，对方冇还钱 ）其实大金额我又唔会点借，因为我好鬼孤寒，都系借一千几百。（唔还都冇乜影响！）都唔系㗎，都系钱嚟嘅大佬，我都会提吓佢嘅。（有冇啲数系未收到？）都收到㖞，讲真提一提都醒啦，吓话，快还啦！”