胞妹孙美贤陷偷食丑闻　孙耀威语带相关似有所指：周街都系骗子

孙耀威今晚（7/3）现身湾仔出席《仁济医院周年慈善餐舞会2025》。对于早前胞妹孙美贤参加《中年好声音2》被爆与郑梓浩出轨，事件引起全城哗然。事隔半年，孙美贤好友傅明宪（Gigi）日前在个人社交平台大晒在瑞士滑雪的相片，从相中见孙美贤也在场，而且她的丈夫及两个儿子亦同行，一家激罕同框，成功走出偷食阴霾。

孙耀威就事件接受《香港01》访问时表示：“其实𠮶件事发生嘅时候，我系冇安慰我个妹，因为佢14岁岁嘅时候一个人就去咗英国读书，跟住佢又去法国住，其实佢系好成熟，其实冇乜大不了，因为当中好多新闻都不实，而我都有同佢讲娱乐圈就系咁，叫佢当自己系观众，当睇故事，冇得计较太多。唔通一个新闻唔啱，你就要开一个记招，咁你就要开一世。咁所以叫佢睇开啲，呢个圈就系咁。而家佢哋都冇乜嘢，而且都好开心。”

被问到事件有否令胞妹留下阴影？孙耀威续说：“我成日都话香港政府都有卖广告，要小心诈骗，周街都系骗子，咁所以要小心啰。（佢有冇唔开心？）我谂睇到呢啲新闻系唔开心嘅。（你作为哥哥睇到郑梓浩咁样，你有咩感受？）其实我就唔想讲太多，我唔想代表佢讲咁多，我知佢有交俾律师去处理。（事件解决咗？）我唔知，应该未。律师会搞，而我都唔方便讲太多。（事件有冇对你造成困扰？）其实对我嚟讲冇乜大不了，有人有心咁去炒新闻啫。尤其我做咗呢行咁耐，呢啲都系小儿科嚟啫。”