方力申经常同陈滢扯上关系 　唔怕阻碍对方识男仔：我只系烟幕！

绯闻情侣方力申（小方）同陈滢今日（19/3）双双现身电视城出席清谈节目《Tiger’s Talk》宣传造势活动。二人被问到经常被扯上关系，会否感到无奈？小方直言：“其实讲绯闻呢一行就一定会有嘅，但我最怕就系啲人讲到个男仔周围去识女仔，又会话个女仔又要揾有标准条件嘅男仔。咁其实我哋做节目就系要做一啲效果吸引观众睇，而且佢（陈莹）喺外国长大，咁佢就会放啲，呢个系佢性格嚟，咁并唔代表佢系一个有机心嘅女仔。”

被问到同小方绯闻会否阻碍其他男士追求？陈滢想回答时，小方抢著说：“咁先好呀，咁样先多人追呀！因为要抢吖嘛。我就惨啲冇人抢。我只系成日做人烟幕，外间成日讲到我大把女，其实全部都系烟幕。不过唔紧要啦，我系男人嚟，膊头够阔。”陈莹情深望住小方甜笑说：“多谢你啦！”