再拍张秀文做节目主持　林盛斌认有好感：好有初恋Feel

两位主持人林盛斌（Bob）同张秀文今晚（18/3）现身电视城古装街为无线综艺节目《你又估我唔到》录影。提到二人学生造型份外有初恋Feel，阿Bob望向秀文笑言：“唔知佢有冇啰，我就有。”秀文即时反驳说：“我见到你冇啰，哈哈！因为我冇一个同学系咁嘅样。”阿Bob尴尬说：“好彩得我对佢有初恋嘅感觉啫，如果大家都有就麻烦。因为我细细个嘅女朋友就系好似佢咁嘅款。不过就冇佢身材咁好。”秀文听到之后笑逐颜开，大赞阿Bob真识讲说话。