吴孟达逝世 | 林子聪指星爷闻达哥患病面色一沉：问好唔好探佢先
撰文： 邱爱霖
出版：更新：
吴孟达（达哥）周六（27/2）罹患肝癌离世。曾与达哥合作周星驰电影《少林足球》的林子聪（肥仔聪）昨晚（28/2）亮相无线（TVB）节目《无可比拟的演艺泰斗 永远怀念吴孟达》。谈及星爷与达哥的关系，他强调二人从来没有交恶，“真系冇嘢嘅” 。
“2014年拍《美人鱼》第一集，星爷主动话有个角色系揾达哥嘅，咁就派我去揾。咁我揾咗啦，但系达哥就好多日都冇覆，后尾我先知达哥𠮶个时间咁啱做完心脏大手术，所以唔能够接戏住，我𠮶阵都系第一次知呢件事。后尾我话畀星爷知呢件事，佢面色一沉，就问我：‘好唔好去探下佢先？’我哋𠮶阵仲赶紧戏。我就答：‘佢而家应该仲慢慢康复紧，我哋都系唔好阻住佢休息住，你不如完咗套戏返香港先揾佢啦！’”
吴孟达逝世︱田启文指传媒误解星爷：佢有留《功夫》角色畀达哥！
吴孟达逝世︱曾志伟忆达哥生前事一度哽咽：画面播出嚟就更加怀念
吴孟达逝世 | 苑琼丹拍《九品芝麻官》遇低潮 不忘达哥当年提点
盛赞达哥演技出色 没剧本辅助下依然入戏
他又证实星爷曾两度打算邀达哥参与电影《功夫》拍摄，可惜分别因档期不合和制片商缘故而未能成事。林子聪称赞达哥经验丰富、演技出色，“佢经验太好啦。佢嚟到（《少林足球》片场）嘅时候连剧本都冇，只系讲完畀佢听，佢试完个造型，佢就喺对鞋入面做咗啲手脚，好快佢就变咗个‘黄金右脚’，一个跛嘅‘黄金右脚’，哈哈！”
点击下方，看更多节目直播期间的相片：
+10
其他节目片段：
+18