吴孟达特辑｜曾志伟眼湿湿重提达哥自杀：去到城门水塘想槛落去

无线今晚为吴孟达（达哥）举行悼念节目《无可比拟的演艺泰斗 永远怀念 吴孟达》，邀请不少跟达哥演艺圈中的老朋友上来分享与达哥的相处点滴，包括罗冠兰、麦镇江、伍润泉、甄懋强、吴丽珠 、邓英敏、商天娥、戴志伟、关礼杰、王晶、苑琼丹、林子聪等人。

新任无线副总经理曾志伟也有分享，志伟哥表示达哥由一个由人人都惊，变成人人敬重的例子，这个故事志伟哥经常跟人分享，为大家带来正能量。

他说：“达哥喺TVB系演技非常精堪嘅演员，其实喺佢年轻时间，由于佢咁叻，自己生活比较放任，钟意饮酒赌钱，赌到周身债，成日周围问同事借钱，甚至棚入面职员都借，借到大家唔敢叫佢开工，觉得叫佢开工又要借钱畀佢。但身边有一个好朋友，而家好出色嘅演员，大家有时晨运都会见到佢，不断资助佢帮佢。但有一日佢都同达哥讲唔能够再帮你，咁样会害咗你，由𠮶日开始达哥觉得人生冇希望，因为一个咁好嘅朋友都唔决定唔帮我，其实已经知道系我人生嘅尽头。”

“𠮶阵佢谂过不如算喇，去到城门水塘想槛落去，佢望住个天讲，希望下一世可以重新做人，要做一个更好嘅演员。但佢又谂，下一世可能做牛做马做狗，未必可以做人，但我而家仲系人，我点解唔可以从新做人呢？于是佢返咗屋企，瞓咗一晚决定重新做人。然后佢返去TVB，同所有编剧、导演讲，你用返我喇，你会见到一个唔一样嘅吴孟达。”后来他从不带剧本，所有对白都由头记到尾，志伟哥指未见过他带入厂，这种演员道德非常难得。

即睇与达哥同期训练班嘅同学近况：