汤怡结婚｜郭富城出席婚礼　除咗老板杨受成仲有乜宾客到场?

汤怡麦秋成2月26日元宵佳节举行婚礼，中午12点半签纸注册，宾客亦陆续到场。郭富城同小美12点15分同经理人小美到场，佢话：“睇住阿成细个到大，有帮我手之后到成为排舞师，今日大日子当然要嚟恭喜。”

阿城话同一对新人都有渊缘，与新郎新娘分别有合作过：“佢太太（汤怡）之前《寒战》做我秘书，衷心祝福佢地。礼物方面我都继续俾利市啦，佢地想买啲乜就买啲乜，都知佢地已经有左BB，到时如果想倾下爸爸经都可以分享一下。”

婚礼宾客仲有婚礼主持崔建邦，英皇老板杨受成及高层，Sunny Wong，Dear Jane成员Jackal等，赶喺12点半前到场见证一对新人签字。