汤怡结婚｜张惠雅任伴娘感动爆喊：新郎劲有诚意成叠开门利市

汤怡麦秋成2月26日元宵佳节举行婚礼，疫情期间婚礼有限制人数，只有至亲好友可以到场观礼。同汤怡相识多年嘅Regen张惠雅担任伴娘，为好姐妹撑红伞出嫁。Regen接受《香港01》访问时话：“今朝劲感动一对新人同大家都系咁喊。”

居于长洲嘅Regen话4点已经起身，梳化兼赶船赶到会场，佢大赞新郎哥够晒诚意：“开门利市呢啲通常倾好，扮下嘢做样话唔够，阿成话好啦成叠畀啦，反而佢细佬佢哋扰攘唔想畀，成大袋好丰厚诚意十足。头先一对新人都喊晒，因为佢爸爸妈妈好少喊，一见佢地喊全场都忍唔住。”

相识多年Regen对好姐妹踏入人生新阶段都表示好感动：“听到阿怡结婚消息真系2020年最开心嘅一件事，估唔到成班姐妹系佢跑出先。我哋已经系内定BB契妈㗎啦。希望佢生多啲啦，头先auntie uncle系咁转龙凤鈪，人哋话转一个圈生一个哈哈哈。（担唔担心汤怡大住肚会好攰？）平时佢都早睡早起，呢排搞婚礼夜咗好多，等阵完晒仪式应该都会返去休息。”