陀枪师姐|魏骏杰婚变独力照顾女儿　滕丽名认冇晒回忆：真系可怜

滕丽名（阿滕）今日（1/2）现身将军澳电视城出席无线热播剧集《陀枪师姐2021》宣传造势活动。阿滕相隔17年后，再次饰演“陈三元”此角色，日前剧情讲到她要面对程峰（旧爱魏骏杰饰）已死的事实，连场独脚喊戏感动人心，获网民大赞演技超晒班。

阿滕表示：“其实我个人都几咁眼浅，都几容易入情绪。平时嘅情绪都几咁超级大起大跌，其实喊戏我谂Tvb识我嘅人都知我系‘水喉’嚟。如果可以book定嘅话，想我滴眼泪几时流都得嘅。（呢套剧有冇勾起你同旧爱嘅回忆？）咁又冇㖞，哈哈！真系可怜呀！通常唔开心嘅嘢，都会好自动洗晒好耐，呢啲嘢人会系咁嘅！（彼此仲有冇联络？）冇。（魏骏杰婚变，有冇睇相关报道？）冇呀，我真系唔知。”