陀枪师姐｜宣萱最憎人迟到拍剧：熟读剧本守时系演员应份做嘅事

宣萱今日（1/2）现身将军澳电视城出席无线热播剧集《陀枪师姐2021》宣传造势活动。宣萱透露拍摄过程相当开心：“因为剧情加埋演员又夹，后生𠮶个都好乖，基本准时开工同熟读剧本都做到足，大家都唔会做一啲唔应该做嘅嘢，咁所以大家做嘢会好顺畅。（有咩嘢佢哋系唔应该做？）迟到啰！因为呢样嘢系我死穴。不过佢哋之前应该收晒风，知道我唔钟意人哋迟到，因为守时同熟读剧本系演员基本应份要做嘅事。”

宣萱透露曾经初入行时，唔知醒瞓过笼拍剧迟到，吓到惊惶失措：“因为𠮶排日日开工，只系瞓得几个钟，突然有一日唔知系咪个闹钟唔识响定自己听唔到，当我擘大眼嘅即时候已经过晒钟，吓到即刻洗面刷牙就冲出门口，停系红绿灯度都要化妆，返到公司不停同人讲对唔住，因为自己唔钟意人哋迟到，所以自己都要做到一样唔可以迟到。”