陈乐榣逆市开新铺揾陈定邦选扯摆风水阵：呢间铺十日就揾到

前女子组合Freeze成员陈乐榣（Alley），2010年组合解散后，13年开始搞网上首饰生意，婚后生埋女更同老公成立自家品牌首饰，生意越做越有。Alley今日（14/12）为铜锣湾新店举行开幕礼，更邀请圈中好友陈洁玲、黎燕珊及郭秀云等人到场站台支持，场面气氛热闹。

Alley透露新铺特意找来堪舆学家陈定邦帮手选扯睇风水：“因为呢个时势，一定要好好去投资，系唔可以乱嚟。而且呢间铺用咗十日时间就揾到，仲要系最好心水𠮶间。”在“疫市”环境下，Alley直言生意难免会受到影响：“之前间铺地方比较细，系人流方面疏导比较麻烦，因为啲客觉得地方细，唔愿意系门口排队等，所以而家搬个地方大啲，啲客就会觉得行得安心啲。”