陈洁玲提告钟舒漫男友林灏轩诽谤：我冇话过佢性骚扰𠮶啲事！
撰文： 吴子生
出版：更新：
陈洁玲（Christy）今日（14/12）现身铜锣湾出席珠宝新店开张活动。提到遭生意拍档歌手钟舒漫入禀小额审裁处追讨四万元款项，Christy 表示本月22日将会亲身出庭应讯：“因为额钱债唔系法庭，唔可以委派律师代表自己，不过𠮶日主要都系倾吓偈，讲吓谁对谁错。而我嘅律师都正理晒相关嘅资料，亦都出咗律师信畀对方，咁所以现在双方都只系透过律师去沟通。”
就钟舒漫男友Steve Lam 指控她周围唱他性骚扰一事，Christy直言会控告对方诽谤：“我而家揾咗律师处理紧，因为声誉好重要，而佢又讲咗好多唔系事实嘅嘢，而且又去到咁严重嘅指控，咁所以我一定会告佢。”Christy 续说：“早几日我整理番同佢嘅WhatsApp对话纪录时，先发现到啱啱识佢嘅时候，佢就同我话被《耀永娱乐》走数，仲话讲帮呢间娱乐公司去非洲进行拍摄工作，仲畀人屈佢性骚扰，当初我识佢嘅时候，就不断讲紧呢啲嘢。一年过去，到今日调返转话我走佢数，跟住话我屈佢性骚扰，咁所以大家自行判断一下，点解呢个人不断好似地狱轮回咁，将呢样嘢套落我身上。对我嚟讲，我冇话过佢性骚扰𠮶啲事。”