执屋｜婚后父母同住四人共用一毛巾 男嘉宾：带埋外母上嚟执屋
撰文： 邝钰莹
出版：更新：
ViuTV新节目《执屋》揾嚟“杂物咨询师”阿橙，连同两位主持人，去到唔同嘅家庭帮大家断舍离，第一集女嘉宾Jessie连梳化都要打直放置，震撼了不少观众。第二集男嘉宾Ray同埋老婆凯仪以及父母，一家四口同住。
“01最赏睇娱乐大奖”即日起至12月23日接受投票喇，答埋简单问题，随时赢最新5G手机12 Pro！
就节目所见，Ray嘅屋企有唔少柜、层架，但都叫整齐，Ray就好老实咁话老婆试过带埋外母一齐上嚟执屋。断舍离前，屋物咨询师通常都会巡一巡间屋，但今集最大问题系由于Ray父母都不在场，所以好多嘢都决定唔到系留定弃，就好似喺厨房揾出非常占位置嘅大花樽时同已拆卸嘅浴室宝时，大家都犹豫不决，最后要打电话问Ray嘅妈妈，对方表示“其实无用，不过唔舍得丢”。
之后一行人去到洗手间时，Ray提到最唔满意嘅地方系一个成日会撞头、踢脚嘅架，但既然全家都对呢个架咁不满，点解至今依然存在呢？咪就系懒啰。之后杂物咨询师问到点解整个浴室会只得一条毛巾，Ray就话:“其实老婆搬入嚟之后，我已经同佢哋讲想一人一条毛巾，但而家其实系全家共用一条毛巾，湿晒先会换……”或者系无位挂毛巾，定呢家人关系亲密到可以共用毛巾？Ray嘅解释系父母唔喜欢在玻璃门上贴挂勾，又反对在墙身上钻洞，所以才会全家共用一条毛巾！主持人随即时拎出“不留痕挂勾”仲帮埋Ray贴上墙，再教埋佢点样放置四条毛巾……
点击下图睇如何共用毛巾
+23
同场加映 : 执屋｜女嘉宾屋企揾出42年历史利宾纳 ViuTV新节目教断舍离
+23