执屋｜女嘉宾屋企揾出42年历史利宾纳　ViuTV新节目教断舍离

近年有唔少电视台节目都教人“断舍离”，ViuTV新节目《执屋》今次请嚟香港第一位杂物咨询师阿橙连主持人Kathy仔以及小占，去到唔同港人嘅蜗居进行“断舍离”。首集嘅嘉宾Jessie同男朋友以及爸爸住喺一个两房一厅嘅居屋单位，不过由于放喺客厅张饭台已经被杂物所淹没，加上张梳化离奇以栋直嘅方法放置，所以Jessie同爸爸基本上每次入屋企就直接入房，而Jessie同男朋友如果要食饭的话，都会屈埋喺房……

即投“01最赏睇娱乐大奖”兼答简单问题，被选中内容最精彩、令人印象深刻及令人产生共鸣的答案，就有机会赢最新5G手机12 Pro，按此即投赢巨奖！

点解好好一张梳化会好似风水阵咁栋直放置？Jessie解释系因为所养嘅主子（猫）喜欢在梳化后大小便，结到搞到好臭，为方便清洁，于是就栋直梳化，呢个借口真系十分新奇。两位主持整理完客厅后，轮到厕所部分，污迹、杂物十分不堪，连小占都忍唔住话“污糟过公厕”，问到明明全屋只有三个人，但洗头水起码有六樽，Jessie话:“因为我用到得返少少，就会留比爸爸加水再用，之后我就唔会再理……”

至于厨房，Jessie男友表示之前连砧板都放唔落，但因为自己会煮食关系，所以略为整理过，厨房虽然杂物唔多，但小占揾出一个1978年嘅利宾纳!唔通当红酒咁存放?而喺雪槟上方，揾出一对早已硬化嘅胶手套，系咁易一掂，即时四分五裂，埸面都几恐怖。经过6个多小时“断舍离”，最后执出十袋垃圾，而客厅、饭台亦得以重见天日。事后，Jessie仲影咗张爸爸喺客厅食饭嘅相比大家睇。

点击下图睇埋屋企有几乱