钟舒祺公开指控多宗罪　陈洁玲逐点反击：倒果为因，大话冚大话

钟舒漫（Sherman）月前于她的私人FB自爆与圈中人合伙做生意结果被骗4万元，虽然她当时未有开名，但近日对方的身份终于曝光，有指是陈洁玲（Christy）。陈洁玲即表示欢迎对质，又称迟早上法庭见，事件演变成一场罗生门。向来与家姐钟舒漫姊妹情深的钟舒祺（Sukie），昨日（27/11）就于她的FB发长文并出了多个Post来讲及有关事件，更嬲到闹爆陈洁玲。

Sukie力数Christy的几宗罪，当中包括：1. 指对方精神不稳定，经常调转事件来讲 ；2. 指Christy骚扰她与她的家姐；3. 指Christy不敢面对她们，Block了她们致令Sherman要揾律师出信，但Christy 却想继续逃避。

对于以上种种指控，Christy 回复《香港01》并逐点反击表示：“1. 哈哈，我的确就来畀佢哋烦到精神唔稳定，但又不至于会调转啲嘢嚟讲同埋恶意抹黑人哋嘅。2. 没有，佢哋唔肯签收货品之后完全冇联络，不要凭空捏造，请拿出证据。3. 佢出律师信畀我，我有正式书面回复佢律师，请问系点样唔面对佢哋？”

Sukie又指Christy的经济有困难，Christy便拿出她与Sherman的对话截图，力证是Sherman要求退股并声称与家人于6月份需要用一笔钱，Christy说：“呢段对话已经讲得好清楚，请问系边个有经济困难呢？”对于Sukie发长文公开数臭她，Christy表示：“倒果为因，希望钟舒漫小姐可以好好管教他的妹妹和男朋友，动不动就冲出来骂人和抹黑，有啲人好钟意大话冚大话，其实佢哋系咪真系好得闲？”

Christy续说：“大家合作做生意，佢提出屋企有经济困难想退出，畀两个选择我，一系退钱畀佢，一系退货畀佢。我答应咗退货畀佢，但退货前要签协议书确认签收货品同埋唔可以贱价转卖货品，佢唔肯签，话觉得无啦啦要签份嘢好唔公平，之后就调番转头黎话我争佢钱。做任何交收都要签份嘢保障双方是常识吧，况且当初我都唔知道佢系真正攞钱出嚟𠮶个，和佢根本完全唔认识，系佢妹妹无啦啦有日走来揾我，话怀疑Steve氹咗佢家姐拎钱出嚟做生意，我先知道背后啲瓜葛。”

最后她表示：“我只想总结一下，钟舒漫小姐其实心地好好，对人好有礼貌，佢只系畀佢妹妹同男朋友连累咗。”至于被Sukie如此公开闹爆可会生气，她说：“唔会呀，佢成日都系咁样㗎啦，识佢嘅人都知道。”

点击下图逐格陈洁玲的靓相：

仲有Sherman的靓相：