瞩目配角｜欧瑞伟做替身终日与死神擦过：骑马要成个人飞落地下
“只不过系一句说话，就咁改变咗。”人生之中，每个人总会做错几件事，令自己留有遗憾，又会做啱几个决定，从而改变自己的一生。
说起欧瑞伟，大家很自然想起《爱．回家之开心速递》的KC，KC亦成了他的代名词，他很乐意：“开心添，仲有人叫我舅父，有啲人都会叫我关二哥，因为我做过关公，有时出街，有人见到我都会问‘Terry呢？’处境剧就系有呢个感染力。”
1982年入行而来，欧瑞伟饰演过无数个角色，最经历的莫过于是《城寨英雄》的杀手头目“杨竹銮”以及《同盟》中的“易先生”，正气、打得又睇得，风头一时无两，同年更获提名《万千星辉颁奖典礼2017》“最受欢迎电视男角色”及“最佳男配角”。
月薪三万做替身
正所谓“台上一分钟，台下十年功”，他成为那个帅气的“杨竹銮”之前，其实又经历不少过一番磨练。早在1982年开始，他入读邵氏训练班后就成为了龙虎武师，又因为身形相似，而成了刘德华的替身。当时正值电视、电影最蓬勃的时期，他透露，当年试过最收入有三万元一个月，不过在风光的背后往往伴随着危险，跌伤、骨头移位对他来说都只算是小伤：“五楼跳落嚟，块玻璃喺面前爆，俾架车撞，骑马要成个人飞落地下，就算你几好嘢都好，呢啲一定会受伤。”
最严重的一次，他因为拍摄一场跨栏戏份，失足撞到栏边致半边脸“肿到变足球”，欧瑞伟就十分轻描淡写的说：“其他伤譬如跳落嚟，只脚肿到猪蹄咁都有嘅，但系𠮶次系脸，所以我觉得系严重啲。𠮶次瞓咗两日度就出院，佢叫我返屋企抖，唔好霸住啲床位，哈哈。八几年，𠮶时都未转做演员。”
经历了无数次受伤后，欧瑞伟渐渐地觉得自己不能做一辈子的替身：“以前真系揾命搏！可能会断咗只手，屈亲只手或者整亲条腰，但系亦有啲人会瘫痪。当然揾钱系多嘅，但系始终会睇长远，咁样落去，生命有限，永远都系挞，挞完呢一场听日就挞第二场，觉得唔想咁样。”
不过真正改变了他以后的人生，令他踏出第一步，还是要提到他在当年与已经是当红小生刘德华的偶遇：“𠮶日我哋开工，成班坐喺度食早餐，食完早餐谂住开工，佢（刘德华）就走过嚟。佢话：‘喂，啱啱我先拍咗个promo㖞，武术演员训练班第五期，喂，试吓啦。’‘得唔得架？’佢又话：‘试吓啰，点知得唔得架。’‘咁咪攞表啰。’𠮶时成班人都有攞表，唔系净系我一个，咪就俾我入咗。只不过系一句说话，就咁改变咗，如果唔系佢拍咗呢个promo，我哋都唔会特登走去考演员，佢可以唔讲㗎。”
瞩目配角｜欧瑞伟与太太结婚25年零磨擦：点解要出去自掘坟墓？
做武师揾到三万一个月，做演员后又揾几多？他笑言：“梗系揾唔返啦！初头得三千蚊。”同样都是三字头，但是收入就不见了一个“零”，莫讲是现在，就算是90年代当时也是差天共地的改变。
其实与他同期的师兄弟姐妹，有不少人都已经名成利就，成为行内有名的武术指导，又或是揾到“第一桶金”后做生意过休悠生活，如果欧瑞伟继续做龙虎武师，可能也能过上更好的生活。他就反言：“我都系会签𠮶份报名表，我从来冇讲自己入错行，咁多年里面，呢几年大部分时间返到公司就系对住部机器，对住啲灯光，对住所有工人员，演戏就系我生活一部份，已经习惯咗，最紧要我自己钟意演戏呢个工作。”
场地提供：Hippie Party @观塘
点击睇更多 欧瑞伟“型佬”相：