【无线台庆】《城寨》夏满哥21点中100万　李嘉：我一蚊都未赌过

全晚高潮一定系压轴大抽奖，结果100万奖金、奖品由回巢2年的李嘉夺得，原来他从未赌过钱，亦觉得自己一直冇横财运，他说：“我去过赌场，去过好多次，因为啲鲜奶任饮，但我一蚊都未赌过，我好似连抽奖都未中过架。”他表示中奖，脑海一片空白，他说：“其实我唔识玩21点，连black jack系咩都唔知，第一只攞烟，我知呢只好大㖞，跟住望到江欣燕攞两只公仔，我心谂都好大㖞，跟住到我一揭又系女，哦，原来系传说中嘅21点，我从未玩过21点架，因为我计数差。”

李嘉将会有8000蚊现金，21万上商银行签帐额，20万储蓄，再加奖品，总值100万。但他暂时只想出书，他说：“买楼应该唔够啦，居住问题我唔驶担心住，所以希望用啲钱，可能系出书啦，讲返咁多年武术上嘅心得，（攞啲钱再搏多铺？）我唔会，我从来唔赌钱，好多嘢都系整定，系你就系你，如果唔系你点搏都无用。”